Монгол  Британийн Худалдааны танхимаас (МБХТ) зохион байгуулдаг 7 дахь удаагийн Бизнес уулзалт  2012 оны 5 сарын 8 нд Британийн Парламентын Вэстминистрын танхимд болж өнгөрлөө.

Уулзалтыг нээж Английн Парламентын гишүүн Ноён Андрю Розиндель болон Монгол улсаас ИБУИНВ улсад суугаа Элчин сайд Б.Алтангэрэл нар хэлсэн үгэндээ Британи Монголын харилцааг  ойртуулах, хамтын үйл ажиллагааг бэхжүүлэх үйлсэд их хувь нэмэр оруулж буй Монгол Британийн Худалдааны танхимын дарга, үүсгэн байгуулагч, Ноён Жон Гроганд гүн талархсанаа илэрхийлээд,  Нийгмийн бүхий л салбарт ялангуяа Эдийн засаг, бизнесийн салбарт хамтран ажиллах хоёр талын сонирхол улам бүр нэмэгдэж байгаад таатай байна гэлээ.

Тус уулзалтад нийт 30 гаруй Монголтой хамтран ажилладаг Британийн байгууллага, компаниуд  төдийгүй Британид олон нийтийн үйл ажиллагаа явуулдаг Англи дахь Монголын Соёлын Төв, Европ дахь Монгол Эмэгтэйчүүдийн Хөгжлийн Холбоо (ЕМЭХХ), Монгол Британийн Бизнес Худалдааны Зөвлөл мөн Британи сурч байгаа Монголын оюутан залуусын төлөөлөл уригдаж оролцов.

МБХТ нь 2012 оны  7 сарын 30нд Монголын Элчин сайдын яамтай хамтарч  2 дахь удаагийн  Монгол Лондонгийн Бизнес Чуулганыг Лондонгийн Хөрөнгийн Бирж дээр зохион байгуулах бөгөөд үүнд МУ-ын Ерөнхийлөгч Ц.Элбэгдорж оролцож үг хэлэх юм байна.

Мөн МБХТ нь  Монголын Соёлын Төв, Европ дахь Монгол Эмэгтэйчүүдийн Хөгжлийн Холбоо хамтран ирэх 6 сарын 1 нд зохион байгуулах “Оны Шилдэг Эмэгтэй -2012” ёслолын үйл ажиллагаа болон  ЕМЭХХ-оос 6 сарын 20 нд Рио Тинто компанийн Лондон дахь салбар дээр  Өсвөр насны охидыг вакцинжуулахад туслах Хандивын дуудлага худалдаа зохион байгуулах арга хэмжээг дэмжиж хамтран оролцохоор болсон явдалд бид гүнээ талархаж байна.     

Та бүхэн Монгол Британийн Худалдааны танхимаас  цаашид зохион байгуулах арга хэмжээнүүдийн тухай мэдээлэл авахыг хүсвэл http://www.mongolianbritishcc.org.uk/ цахим хуудсаар зочлоорой.

Монголын соёлын Төв.

Тус арга хэмжээний хүрээнд болсон бага хурал дээр Монгол Улсын Сангийн Яамны Дэд Сайд Ч. Ганхуяг Монгол Улсын эдийн засгийн одоогийн байдал болон хэтийн төлөвийн талаар тэнд цугларсан гадаадын хөрөнгө оруулагчид , бизнес , хэвлэлийн төлөөлөгч нарт дэлгэрэнгүй танилцуулсан ба 6 сарын сонгуулийн дараа Монгол Улс 600 сая долларын шинэ хөгжлийн сан байгуулахаар төлөвлөж байгаа болон энэ оны сүүл гэхэд одоо байгаа тогтворжуулалтын санг 200 сая доллароос 500 сая доллар болгож өсгөхөөр төлөвлөж байгаа талаар мэдэгдлээ.

Тус өдөрлөгт Лондонгийн хөрөнгийн биржийн Гүйцэтгэх захирал Хавиер Ролэт,  Монголын хөрөнгийн биржийн Гүйцэтгэх Захирал Х.Алтай, Худалдаа Хөгжлийн Банкны Ерөнхийлөгч Радолф Коппа болон Эрдэнэс Таван толгой, Голомт банк, Хаан банк, Тэнгэр групп, Бэрэн уул уурхайн үйлдвэр,UFC, APIP, Renova Energy, SouthGobi Resources  мөн Лондон дахь Монгол банкны төлөөлөгч, Европ дахь Монгол Эмэгтэйчүүдийн Хөгжлийн Холбооны Тэргүүн Д.Энхжаргал, Англи улс дахь Монголын Соёлын Төв, Британи дахь Монголын Бизнес Худалдааны Зөвлөл , Британи дахь Нийгмийн ардчилал Монголын Залуучуудын Холбооны төлөөлөгчид оролцов.

Хоёр дахь өдрийн өглөө Гадаадын хөрөнгө оруулагчидтай Монголын компаниуд ганцаарчилсан уулзалтуудыг зохион байгуулж  мөн Хөрөнгө оруулах,хамтран харилцан ажиллах боломжуудын талаар нээлттэй өдөрлөг хийлээ үдээс хойш Английн түүхт Сант Паулын дуганыг үзэж сонирхов.

Ийнхүү анх удаагаа  Европын хамгийн том, 211 жилийн түүхтэй Дэлхийд дээгүүр ордог Лондонгийн Хөрөнгийн бирж Монголын Хөрөнгийн бирж болон банкнууд, уул уурхайн үйлдвэрүүдийн төлөөлөгчдийг хүлээн авч өдөрлөг зохион байгуулсан түүхэн үйл явдал боллоо.

Англи улс дахь Монголын Соёлын Төв

Европ дахь Шилдэг Монгол Эмэгтэйчүүдийг  шалгаруулах

ОНЫ ШИЛДЭГ ЭМЭГТЭЙ-2012

Ёслолын үйл ажиллагаанд  урьж байна.

Монголын түүхэнд харьшгүй зориг, хатан ухаанаараа мөнхөрсөн суут хатдын түүхийг бид мэднэ. Тэгвэл эх орноосоо хэчнээн хол суугаа ч төдий чинээ өрх гэр, үр хүүхэд, улс эх орныхоо төлөө ихийг бүтээж яваа энэ цагийн хатад болох Европ дахь Монгол эмэгтэйчүүдийнхээ сурч мэдсэн, хийж бүтээсэн ололт амжилтыг, хүмүүнлэг үйлсийн их гавьяаг олон нийтэд таниулах, дэмжин алдаршуулах зорилгоор Европ дахь Монгол Эмэгтэйчүүдийн Хөгжлийн Холбоо, Англи улс дахь Монголын Соёлын Төв хамтран анх удаагаа олон нийтийн санал асуулгаар “ОНЫ ШИЛДЭГ ЭМЭГТЭЙ-2012” өргөмжлөх ёслолын үйл ажиллагааг Эх үрсийн баяраар зохион байгуулах гэж байна.

Энэхүү үйл ажиллагааг дэмжиж Европын улс орнуудад суугаа Элчин сайдын яамдууд мөн Олон нийтийн байгууллага, компани, хувь хүмүүсээс ажил үйлсдээ амжилт гаргасан төдийгүй олон нийт, хүмүүнлэгийн ажилд гар бие оролцож яваа нэр нь тодроогүй баатрууд болох Шилдэг эмэгтэйчүүдээ нэр дэвшүүлэн шалгаруулалтад оролцуулахыг та бүхнээс хүсэж байна.  Эмэгтэйчүүдийн материалыг 2012 оны 5 сарын 20 ний дотор admweuk@gmail.com хаягаар бидэнд илгээнэ үү?

  “Оны Шилдэг Эмэгтэй-2012” шалгаруулах ёслолын үйл ажиллагаа 2012 оны 6 сарын 1 ний 19:00 цагт (Copthorne Tara Hotel London Kensington, W8 5SR) зочид буудлын Хүлээн авалтын их танхимд болох бөгөөд МУГЖ , ЧИНГИС ХААН ХАМТЛАГИЙН  ДУУЧИН Д.ЖАРГАЛСАЙХАНЫ ТОГЛОЛТ, баярын цэнгүүн, 240 хүний хүлээн авалт болно. 

Тасалбарын үнэ £50.00 (package includes 3 course meal, tea/coffee, 1glass of sparkling wine on arrival, 1 glass of wine or orange juice with meal)

Баярын ширээний захиалгыг 2012 оны 5 сарын 15 ны дотор авна.

Билетны үнийг доорх дансанд хийсний дараа info@admwe.org хаягаар мэйл явуулна уу?  Бид төлбөрийг хүлээж аваад баталгаажуулсан мэйлийг урилгын хамт илгээх болно.

Данс: HSBC
Account name: Association for the Development of Mongolian Women
Sort Code: 40-14-03
Account Number 72525275        Ref: (Your Name)

Та бүхнийг Европын Монголчууд хамтран Шилдэг Эмэгтэйчүүдээ анх удаагаа  шалгаруулах энэ хүндэтгэлийн арга хэмжээнд ээж, эхнэр, охины хамт хүрэлцэн ирж баярлахыг урьж байна.  Гоёлын, ёслолын болон хүлээн авалтын хувцастай ирнэ үү?

Олны дундаас тодорсон

Ололт амжилтаар дүүрэн

Онцлох гавьяатай бүсгүйчүүд

Онгод сэтгэлийг хөгжөөх

Онцгой явдлаар дүүрэн

“Оны Шилдэг Эмэгтэй – 2012″

Ерөнхий зохион байгуулагч:

Хамтран зохион байгуулагч:

4-р сарын 13 ны үдээс өмнө Кэмбрижийн Их Сургуульд зочилж гэрээнд гарын үсэг зурав.

Мөн Сайд Ё.Отгонбаяр Британид ажлын айлчлал хийж байгааг тохиолдуулан хандсан Британийн Оюутан залуусын хүсэлтийг хүлээн авч 4 сарын 13-ны 18:00 цагаас тэдэнтэй уулзалт хийж Засгийн газраас гадаадад ажиллаж,амьдарч буй Монгол улсын иргэдэд чиглэсэн Төрөөс явуулж байгаа бодлого түүний хэрэгжилт, Кэмбрижийн Их сургуультай хамтран хэрэгжүүлж байгаа Олон улсын стандартыг Монголд нэвтрүүлэх санамж бичгээ гэрээ болгон өргөжүүлж өнөөдөр гарын үзэг зурсан тухай баяртай мэдээг дуулгаж Гадаадад сурч буй оюутан залуусад үзүүлдэг тэтгэлэгт хөтөлбөрүүдийн талаар товч танилцуулан Оюутан залуусын сонирхсон олон асуултанд дэлгэрэнгүй хариулт өглөө.

Уулзалтын төгсгөлд Британи дахь Монголын Соёлын Төвөөс Монголын түүх, хэл, соёл урлагаа хүүхэд багачууд, залуу үедээ өвлүүлэх тэдэнд эх оронч үзлийг төлөвшүүлэх, үндэсний бахархал, тэдгээрийн үнэ цэнийг сурталчлан таниулах их үйлсэд өөрсдийн үнэтэй хувь нэмэр оруулсан хүмүүсийг тодорхойлсон шагналыг БСШУЯ-ны сайд Ё. Отгонбаяр өөрийн биеээр гардуулав.

4 сарын 14ны өдөр Лондон хотын Cumberland Gate, Marble Arch-д Буриадын болон Олон улсын алдартай уран бүтээлч Даши Намдаковын бүтээсэн Чингис Хаан уран барималын нээлтийн ёслолд оролцов.

Эмэгтэй хүн болгонд багшлагч шинж байдаг. Тиймээс ч айл гэрийн эхнэр хүмүүс эр нөхрөө аливаа асуудлыг шийдэхэд нь ухаант үгээрээ түшиж, хүүхдээ “хүн” болгож төлөвшүүлэх хүндтэй үүргийг хүлээдэг юм.

1. Үргэлж инээмсэглэх-Чухамдаа жинхэнэ монгол эмэгтэй нь үргэлжийн мөнхөд инээмсэглэн, үзэсглэн гоо байвал зохино. Ямар ч гай зовлон , гарз хохирол тохиолдсон ч, уурласан бухимдсан үедээ ч аль болох тайван, цайлган байхыг эрмэлзэж, өчүүхэн ч болов үзэсгэлэн нэмэх инээмсэглэлийг нүүрэндээ тодруулж явбал монгол эмэгтэйг сайн талаас нь бусдад таниулах боломжтой. Гэхдээ өчүүхэн төдий инээмсэглэхээс биш, ширмэн тогоог гал хийтэл аальгүйтэн инээнэ гэсэн үг биш. Хэрвээ ингэж инээвээс монгол эмэгтэйг бусдад зах замбараагүй мэтээр төсөөлөхөд хүргэнэ.

2.Биеэ зөв авч явах- Эндээс үүдээд монгол эмэгтэйн хоёр дахь шинж болох олны дунд биеэ зөв авч явах асуудал гарч ирнэ. Олон нийтийн газар явж байхдаа учир утгагүй чанга ярилцах, бусдыг муучлах, гоочлох, хоорондоо хэрэлдэх, бохир заваан хувцас өмсөж явах, аалгүйтэн дэнжигнэх нь монгол эмэгтэйн шинж биш бөгөөд эгэл олонтойгоо мэндтэй устай, эвтэй найртай, тустай дэмтэй, намбатай, олны дунд биеэ зөв төвшин авч явах нь монгол эмэгтэйн бас нэгэн шинж болдог. Эхнэр хүний хүлээх ёстой үүрэг хариуцлаа бүрэн дүүрэн ухаарч, аливаа зовлонг нууж хаалгүй, арчаагүй муугаа олны өмнө харуулалгүй, гэр орноо цэвэр цэмцгэр байлгаж, хадмын талаа ихэд хүндэтгэн үзэж, халамжлан асарч, хүний сайныг олж нөхөрлөдөг, биеийн эрүүл мэнддээ анхаарал тавьж явах нь монгол эмэгтэйн шинж мөн.

3.Эелдэг зөөлөн ааш- Монгол эмэгтэйн хамгийн дээд зэргийн чимэг шинж бол эелдэг зөөлөн ааш мөн. Даруу зөөлөн харцтай, эвсэг яриа хөөрөөтэй, хүнд тусархүү, бусдыг хүндлэн үздэг зан шинж бол юутай ч зүйрлэшгүй үнэт чимэг юм. Монгол эрчүүд эмэгтэйн алт мөнгөнд бус, ааш занд нь дурладгаараа бусдаас ялгаатай байдаг.

Монгол эмэгтэйчүүд ариун цагаан сүү шиг, гэнэн цайлган, цагаахан сэтгэлтэй тул төлөв шулуун зантай, ичиж зовохоо мэддэг, эелдэг зөөлөн ааш зантай, цэвэр ариун бодол санаатай, шуналын сэтгэлгүй, өгөөмөр баян сэтгэлтэй, итгэл сүжигтэй, бусдыг өрөвдөж хайрладаг, хуурч мэхлэхийг боддоггүй, хулгай хийхийг цээрлэдэг. Харьцааны зөв соёлтой, бусдад тус хийхийг бодож байдаг, хэрэгтэй цагт эр зориг гаргаж чадах, цэвэр ариун үйлстэй байх энэ бүхэн монгол эмэгтэйн бие сэтгэлийн эрхэм дээд шинж мөнөөсөө мөн.

Монголчууд охиноо айлд өгөхдөө эхнэр хүний ямар байвал зохих эрдмийг дэлгэрэнгүй зааж сургаж явуулдаг заншилтай.

Эдгээр нь “Сайн эхнэрийн шинж”, “Сайн охины шинж”, “Эхнэр хүний есөн эрдэм” “Цээрлэх таван хориг” зэрэгт тун тодорхой тусгагджээ. Монголчууд “Эхнэр хүний есөн эрдэм”-ийг өвлөсөн эм хүмүүс төрхөмдөө буцдаггүй, өөрийн гэрт үлддэггүй гэж үздэг.

Монгол хүний эрхэмлэдэг зургаан зүйл:
1. Үнэн бат журмыг үргэлж хичээж байх
2. Өвөг дээдсийн сургаалыг санаж сэрж явах
3. Үйлийн дээд ачийг буцааж хариулж явах
4. Өгөх гээхийн хорвоог учирлан таниулж явах
5. Үргэлж мэргэн номыг тогтоон тунгааж явах
6. Үгээгүй дорд ардыг өргөн тэнхрүүлж явах

Монгол айлын дөрвөн чухал ёс:
1. Эцэг эх асралтай
2. Эх энэрэлтэй
3. Дүү бишрэлтэй
4. Хүү тахимдуу

Эхнэр нөхрийн эрхэм үүрэг:
• Гадаах ажлыг эр нь мэднэ
• Гарах орохыг эм нь мэднэ
• Саадаг нумыг эр нь мэднэ
• Сааль савыг эм нь мэднэ
• Аян жинг аав нь мэднэ
• Ааль аашийг ээж нь мэднэ
• Ардаг догшныг аав нь мэднэ
• Авах гээхийг ээж нь мэднэ

Эх хүний есөн эрдэм:
1. Өнгөнд цэвэр
2. Үйлэнд уран
3. Үрд энэрэлтэй
4. Үргэлж цэмцгэр
5. Ханьдаа түшигтэй
6. Хадамдаа элэгтэй
7. Найранд дуутай
8. Настанд ерөөлтэй
9. Нартанд буянтай

Эхнэр хүний цээрлэх таван гэм:
1. Эр бусдыг сэтгэх
2. Атаа жөтөө өвөрлөх
3. Муу санаа агуулах
4. Харамч байх
5. Зохилдохгүй үйл үйлдэх

Эрхэм сайн охины шинж:
Сайхан гоо зүстэй бөгөөд
Санаа сэтгэл номхон дөлгөөн
Саруул ухаантай охин сайн
Эхийн сургаалаар явагч
Эгч дүүтэйгээ эвтэй
Эсгэх оёход уран бол
Эрхэм сайн охин мөн
Алиа наадгайд дургүй
Ахуй биеэ хичээн хадгалаад
Ахас ихэсийг зэргээр хүндлэгч
Уур хилэнгүй охин сайн